Sumqayıt şəhər 6-cı mikrorayon "Qızılqum" məhəlləsinin 10/8 saylı binasında yaşayan sakinlər yolsuzluqdan əziyyət çəkirlər.
Məhəllə sakinlərinin Xeberle.com-a verdiyi məlumata görə,  həyətdə asfalt örtüyü olmadığından yağışlı havalarda sakinlər üçün əlavə problemlər yaranır və ərazi keçilməz olur.
Məsələ ilə bağlı Sumqayıt Mənzil Kommunal Təsərrüfatı İstehsalat Birliyi ilə əlaqə saxladıq.
Qurumun baş mühəndisi Atəş Məmmədov Xeberle.com-a bildirdi ki, həmin ərazidə yerləşən bina onların balansına daxil deyil: " O binalar başqa bir təşkilat tərəfindən tikilib və həmin ərazidə bizim balansımıza daxil olan bina yoxdur. Düzdür, sözügedən ərazidə təmizlik məsləsinə baxırıq. Amma  binanı tikən təşkilat ləğv edildikdən sonra yaşayış ərazisi bizə təhvil verilməyib”.
Elnarə Salamova

Xəbərdən istifadə edərkən istinad etmək vacibdir.