Uzun müddətdir ki, yaşayış binalarında zirzəmilərin antisanitar və kanalizasiya xəttlərinin yararsız vəziyyətdə olması sakinlərə sözün əsl mənasında ciddi problemlər yaradırdı. Zirzəmilərdə hökm sürən natəmizlik sakinlərin sağlamlığına mənfi təsir göstərirdi.
Xeberle.com-un Dünya TV-yə istinadən verdiyi məlumata görə, şəhər İcra Hakimiyyəti tərəfindən bütün bunlara son qoyulub. Belə ki, şəhərdə həyata keçirilən kompleks tədbirlər nəticəsində, Mənzil Kommunal Təsərrüfatı İstehsalat Birliyinin əməkdaşları tərəfindən zirzəmilərdəki natəmizlik aradan qaldırılıb.
Bu günə qədər şəhərdə 757 yaşayış binasının zirzəmiləri qrunt və çirkab sularından, həmçinin məişət tullantılarından təmizlənib. Hazırda bu sahədə işlər davam etdirilir. Şəhərin 13 və 17-ci mikrorayonları, o cümlədən 41A məhəlləsində yerləşən yaşayış binalarının zirzəmiləri çirkab suları və məişət tullantlarından təmizlənib. Daha sonra əhalinin sağlamlığının qorunması, yoluxucu xəstəliklərə qarşı profilaktik tədbirlərin reallaşdırılması məqsədilə Gigiyena və Epidemologiya Mərkəzinin əməkdaşları tərəfindən dezinfeksiya və deratizasiya işləri həyata keçirilib. Bundan başqa yaşayış binlarının zirzəmilərindəki mövcud borular dəyişdirilib, su-kanalizasiya xəttlərinin yenilənməsi və təmizlənməsi işləri aparılıb.
Xəbərdən istifadə edərkən istinad etmək vacibdir.
