Bu gecə ölkəmizdə, o cümlədən Sumqayıtda elektrik enerjisinin verilişində məhdudiyyətlər yaransa da, şəhər 1 nömrəli Doğum Evində heç bir problem qeydə alınmayıb.

Bu barədə Xeberle.com-a doğum evinin baş həkimi Təranə Rəcəbli məlumat verib. Onun sözlərinə görə, generator bütün şöbələri elektrik enerjisi ilə təmin edib: "Bizim doğum evində generatorumuz var. Generator uşaq şöbəsi, reanimasiya, böyüklərin intensiv terapeyası şöbəsini tam təmin edir. Ötən gecə tənəffüs dəstəyi altında olan körpələrimiz olmayıb, doğuş və heç bir əməliyyat həyata keçirilməyib. Buna baxmayaraq generatorumuz bütün gecə işləyib. Hər yerdə işıq verən bir "razetka”mız var. Bilirsiniz, bizim doğum evi üçüncü səviyyəlidir və digər yerlərdən bizə körpələr köçürülür. Gecə narahat oldum və reanimasiya şöbəsi ilə əlaqə saxladım ki, vəziyyət necədir. Hər ehtimala qarşı yenə benzin alaraq tədbirlər görmüşük”.