Sumqayıt şəhər Yaşıldərə yaşayış massivinin 4-cü məhəlləsində yaşayan sakinlər bir həftədir susuzluqdan əziyyət çəkirlər.
Məhəllə sakinlərinin Xeberle.com-a verdiyi məlumata görə, bir həftə ərzində məhəllə ərazisində yaşayan hər kəs susuz qalıb. Şikayətçilər deyirlər ki, aidiyyatı qurumlar bu problemin həll edilməsində maraqlı görünmürlər.
Görəsən məhəllə sakinlərinin su problemi nə vaxt həllini tapacaq?
Elə bu sualımıza cavab tapmaq üçün Sumqayıt şəhər Su Kanal İdarəsi ilə əlaqə saxladıq. İdarənin rəis müavini Qurban Mikayılov məsələdən xəbərdar olduqlarını və problemin yaxın zamanda həll ediləcəyini bildirdi: "Məhəllənin bir hissəsində 3-4 gündür su ilə bağlı problem yaranıb. Biz hazırda yaranan problemin səbəblərini araşdırırıq. Gün ərzində çalışacağıq ki, həmin məhəllə tam olaraq su ilə təmin olunsun”.
Elnarə Salamova
Xeberle.com
Xəbərdən istifadə edərkən istinad etmək vacibdir.
