Sumqayıt şəhərində cari ilin 6 ayı ərzində bir çox ərazilərdə əsaslı təmir işləri aparılıb.

Xeberle.com-un verdiyi məlumata görə, İsmət Qayıbov, Babək, Ərşad Kərimov, Cəfər Cabbarlı, Kamran Hüseynov, Kimyaçılar küçələrində 105 min kvadratmetr, 2, 3, 6, 9-cu mikrorayonların, 41a, 41-ci və s. məhəllələrin ərazilərində 62 min kvadratmetr olmaqla, ümumilikdə 200 min kvadratmetrdən çox asfalt örtüyü döşənib və 15 min pm beton bardür dəyişdirilib. 54 kanalizasiya quyusunun qapağı isə bərpa edilib. Metallurq, Yəhya Məmmədov küçəsi sənaye zonasından keçməklə Bakı-Quba yoluna qədər 4,0 kilometr uzunluğunda yenidən qurularaq kompleks şəkildə əsaslı təmir olunur. Qeyd edək ki, Ağa Quliyev küçəsində əsaslı təmir işləri davam etdirilir.