Sumqayıtda mərkəzi küçələrə, eləcə də məhəllədaxili yollara yeni asfalt örtüyü döşənir. Küçələrin asfaltlanması müsbət hal olsa da, bəzi hallarda asfalt örtüyü döşənən zaman kanalizasiya qapaqlarının və drenaj dəliklərinin üzəri də örtülür ki, bu da yağış yağan zaman ciddi problemlərə yol açır.
Sumqayıt şəhər Su-kanal İdarəsinin rəis müavini Qurban Mikayılov Xeberle.com-a açıqlamasında belə halların müşahidə olunduğunu bildirib. Rəis müavini deyib ki, şəhərsalmada asfaltlama zamanı bütün mərkəzi və kənar küçələrdə yağış lyuklarının yerləri qeyd olunub: "Lakin yol idarəsi asfaltlama zamanı qeyd olunan əraziləri də asfaltlayıb keçir və onların üzəri bağlanır.
Asfaltlama işləri bitdikdən sonra yenidən yollara baxış keçirilir. Belə yerlər aşkar olunduğu təqdirdə lyukların üzəri Sumqayıt Sukanal idarəsinin əməkdaşları tərəfindən açılır".
Qeyd edək ki, Sumqayıtda 6500-ə qədər kanalizasiya quyusu var.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
