Xəbər verdiyimiz kimi, Sumqayıtın 20-ci məhəlləsi, Kamran Hüseynov küçəsində yol çöküb. Həmin istiqamətdə avtomobillərin
hərəkəti dayanıb və alternativ yoldan istifadə edilir. Aidiyyəti qurumlar
əraziyə baxış keçirib. Yolun çökməsinə kanalizasiya borusunun partlaması səbəb
olub.
Bu gün isə Xeberle com-a 36-cı məhəllədə suyun kəsilməsi ilə bağlı müraciət daxil
olub.
Məsələ ilə bağlı Sumqayıt Sukanal İdarəsi ilə əlaqə saxladıq. İdarədən Xeberle.com-a verilən məlumatda bildirilir ki, suyun
kəsilməsinə səbəb 36- cı məhəlləyə gedən
içməli su xəttinin baş vermiş qəza ərazisindən keçməsidir.
Sukanal idarəsindən o da deyilib ki, Bakı
şəhərindən də əlavə texnika cəlb olunub və hazırda ərazidə iş gedir: "Aparılan
təmir işləri axşam saatlarında yekunlaşacaq.
Gecə saat 12-dən sonra 36-cı məhəlləyə içməli suyun verilişi bərpa
olunacaq."
Xədicə
Səxavətqızı
Xeberle.com
Xəbərdən istifadə edərkən istinad etmək vacibdir.
