“Xeberle.com” saytının elektron ünvanına  Vüsal Orucov adlı Sumqayıt şəhər sakini məktub göndərib. Məktubda sığorta şirkətlərinin fəaliyyətindən narazıdır. Məktubu olduğu kimi təqdim edirik:

“ Salam hörmətli xeberle.com saytı. Mənim Sizə bugunki müraciətim siğorta ilə bağlıdır. Mən fərdi şəxs olaraq ölkəmizdə fəaliyyət göstərən Sığorta şirkətlərinə (Paşa sığorta,Standart İnsiurance,Ateshgah sigorta,Xalq sigorta və.s) özümü fərdi şəkildə sığortalamaq üçün müraciət etdim.Lakin zəng etdiyim sığorta şirkətləri mənə ya korporativ şəkildə ya da 10 nəfərdən az olmamaq şərtilə bizə müraciət etməli olduğumu bildirdilər.Yəni bu hansı məntiqə sığır ki , mən vətəndaş olaraq özümü könüllü tibbi sığortalaya bilmərəm.Dövlət tərəfindən sığorta şirkətlərinə bu qədər vəsait ayrılıb,sığorta haqqında qanun var.Məgər biz vətəndaşlar bu qanundan yararlanmaq iqtidarında deyilikmi?Xahiş edirəm ki, bu barədə mətbuatda bu mövzunu geniş işıqlandırasınız.Bir sumqayıtlı olaraq bu mövzunu mətbuatda işıqlandıracağınıza ümidim sonsuzdur.Əvvəlcədən minnətdarlığımı bildirirəm.”