Sumqayıtlı sürücülər Saray körpüsünü yaxşı tanıyırlar. Bu körpüdə çox maşınlar xarab olub, ustalara möhtac qalıb. Amma həmin sürücülərə şad xəbərimiz də var. 

Milli.Az xəbər verir ki, Sumqayıt şəhərinin müvafiq qurumları sürücülərin probleminə nəzər salmağa, qorxulu yuxuya çevrilən körpünu təmir etməyə qərar veriblər. 

Day.Az saytına açıqlama verən Sumqayıt Şəhər İcra Hakimiyyətinin rəsmisi Ayaz İmaməliyev deyib ki, körpünün rekonstruksiyası üçün layihə hazırlanıb. 

Onun üzərində yeni məhəccərlər, müasir işıq sistemləri və şəhərin simvolu quraşdırılacaq. Həmin işlər başa çatdıqdan sonra körpünün asfalt örtüyü yenilənəcək.