Bolgexeber.com-un əməkdaşının Sumqayıtda, 6-cı mikrorayonun
altında, dəniz kənarında yerləşən ərazidə gördüyü mənzərə heç də ürəkaçan
olmayıb. İnanmırıq ki, baxımsızlıqdan, daş-kəsəyin, zir-zibilin əilndən dəniz kənarında
olan bu mənzərə burya təmiz hava almaq istəyənlərdə xoş və romantik təəssürat
oyada. Ola bilsin ki, bu bu hal kimlərinsə zibilləri əraziyə maşınla gizlin
tökməsindən yaranıb. Amma bəlkə də bu, heç də belə deyil...
Yenə də, hər bir halda Sumqayıtın müvafiq qurumları dəniz kənarındakı
bu xarabaxananın aradan qaldırılması, qarşısını almaq üçün bir tədbir görməlidir.
Onu da qeyd edək ki, ümumiyyətlə Sumqayıtda Xəzər dənizinin sahil boyunca böyük
ərazi üfunət verən çirkab içindədir. Xatırladaq ki, Sumqayıtda məişət-çirkab
sularının təmizlənməsini təmin etmək üçün 2 il idi ki, təmizləyici qurğu
tikilirdi, lakin layihə iflasa uğradı, milyonlarla pul havaya sovruldu. Hələ də
şəhərin çirkab suları bir çox yerlərdən böyük diametrli borularla birbaşa dənizə
axmaqda davam edir. Səməd Vurğun kücəsi boyunca Sumqayıt sahilini əhatə edən
bulvarın salınması haqda qərarın həyata keçirilməsi isə görünür hələ çox vaxt
aparacaq.
Şəhərin mərkəzi yerlərdə müəyyən abadlıq işləri aparılsa da,
şəhərin sahilboyu hissəsi baxımsız vəziyyətdədir. İnanmırıq ki, dənizin kənarındakı
bu qeyri-romantik mənzərələr şəhərimizə gələn qonaqların da xoşuna gələ...
Həmin xarabalıqdan çəkilən video və fotoları təqdim edirik:
Xəbərdən istifadə edərkən istinad etmək vacibdir.