"Karvan”-nın sahibi ilə ticarətçilərin danışığı nəticəsiz qalıb 

 "Karvan” Ticarət Mərkəzi və mərkəzi bazarın sahibi Ağamirzə Əhədov məhkəməyə verilir. Bu barədə cumhuriyyet.az-ı özəl mənbə bilgiləndirib.

Mənbəmizin sözlərinə görə, məhkəmə iddiası bir qrup sahibkar tərəfindən irəli sürülüb: "Karvan” Ticarət Mərkəzində yer sahibi olan bir qrup xırda sahibkarın A.Əhədovla apardığı danışıq nəticəsiz qalıb. Məhz bu səbəbdən də sözügedən sahibkarlar öz haqlarını müdafiə etmək üçün məhkəməyə müraciət etməyi qərara alıb. Sahibkarların bildirdiyinə görə, onların haqlı olduğunu iddia edən xeyli sayda rəsmi sənəd mövcuddur və bu səbəbdən də məhkəmə qalib gələcəkləri şübhə doğurmur”. Mənbənin sözlərinə görə, tərəflər arasındakı ilk məhkəmə prosesinin cari ayın sonlarında baş tutacağı gözlənilir.