Respublikanın Baş Prokuroru Zakir Qaralov sabah Sumqayıtda vətəndaşlarə qəbul edəcək.

Respublika Prokurorluğunun mətbuat xidmətindən İnterpress.az-a verilən məlumata görə Baş Prokuror Sumqayıtda Abşeron, Qubadlı, Xızı və Zəngilan rayonlarında yaşayan vətəndaşların şikayətini dinləyəcək.

Qəbul saat 11:00-da Sumqayıt şəhər prokurorluğunun inzibati binasında keçiriləcək. Qəbula gəlmək istəyən vətəndaşların qeydiyyatı və Sumqayıt şəhərinə gəlmələrinin təşkili müvafiq rayon prokurorları tərəfindən həyata keçiriləcəkdir.