Bu gün Sumqayıta ilk qar yağdı və təbii ki, qar özüylə bir sıra problemləri də gətirmiş oldu. Öncə ondan başalayaq ki, yanvarın 30-dan 31-nə keçən gecədən başlayaraq təxminən yarım sutka ərzində şəhərin bir sıra mikrorayon və məhəlləri işıq üzünə həsrət qaldı. Nəticədə bu, sakinlərin ciddi narazılığına səbəb oldu. Eyni zamanda yollarda da bir çox problemlər yarandı.

Xeberle.com-a daxil olan məlumata görə, bu hadisədən sonra «Azərenerji» Açıq Səhmdar Cəmiyyəti «Sumqayıt Regional Elektrik Şəbəkəsi» MMC-nin direktoru Saleh Məmmədli şəhər rəhbərliyi səviyyəsində ciddi şəkildə tənqid olunub. Və onun qarşısında sutka ərzində iş yerini tərk etməmək, operativ şəkildə fəaliyyət göstərmək vəzifəsi qoyulub. Bu tapşırıq Sumqayıt Qaz İstismar İdarəsinin rəisi Malik Cəbrayılov, Sumqayıt Su-kanal İdarəsinin rəisi Ədalət Bağırov, həmçinin Sumqayıt Şəhər Nəqliyyat Departamentinin rəisi Mahir Nəbiyevə də aid edilib.
Aldığımız məlumata görə, şəhər icra hakimiyyətinin başçısı Eldar Əziziov da iş yerini tərk etməyib. Hazırda o, Sumqayıtdadır.

Xeberle.com

P.S. Oxucularımızdan aldığımız məlumata görə bir neçə saat öncə də Sumqayıtda 6-cı mikrorayonda elektrik enerjisi verilməsi ilə bağlı problem yaranmışdı, lakin artıq veriliş bərpa olunub.
Qarın yağması ilə əlaqədar Sumqayıtda yaranan problemlərlə bağlı saytımızda sutkalıq fəaliyyət göstərən qaynar xəttə müraciət edə, şikayətlərinizi çatdıra bilərsiniz: Qaynar xətt 050 263 24 79