Qanunsuzluğa yol verən sürücülər və  sərnişinlər məsuliyyətə cəlb olunacaqlar

Bu problem təkcə paytaxt Bakı ilə, Sumqayıtda da  müşahidə olunur. Söhbət  sərnişinlərin avtobus dayanacaqlarından istifadə etməməsindən gedir. Sərnişinlər avtobusu dayanacaqdan ən azı 10-15 metr aralıda gözləyirlər. Avtobusa minib-düşərkən dayanacaqdan başqa hər yerdən istifadə edirlər. Bəziləri avtobusu dayanacağa 10 metr qalmış, bəziləri də dayanacaqdan 10 metr keçdikdən sonra saxladır. Dayanacaqda avtobus gözləyən insanlara bu məmləkətdə birtəhər baxırlar. Bəs görəsən Sumqayıt sakinləri nə düşünür?  Sakinlər arasında kiçik bir sorğu keçirdik.  Respondetlərə belə bir sualla müraciət etdik.

Avtobus dayanacaqlarından istifadə edirsinizmi?

Hümbət Vəliyev, 16 yaş

-         Avtobuslardan çox istifadə edirəm. Demək olar ki, dayanacaqlardan istifadə etmirəm. Dayanacaqdan kənar avtobusların saxlamasına münasibətim münasibətim normaldır.

Aynur Əhmədova, 16 yaş

-         Avtobuslardan razıyam. Dayanacaqlardan istifadə edirəm. Kənarda saxlamalarına münasibət təbii ki, pisdir.

Saleh Soltanov, 19 yaş

-         Marşrutlardan istifadə etmirəm.

Aytac Yusifzadə, 14 yaş

-         Marşrutlardan razıyam. Sayı çox olsa idi daha yaxşı olardı. Təbii ki, dayanacaqlardan istifadə edirəm. Harda gəldi saxlamağına da ki, normal baxıram.

Vaqif Məhəmmədəliyev, 21 yaş

-         Marşrutlardan çox da istifadə etmirəm. Biz tərəfdə ümumiyyətlə dayanacaq yoxdur.

Elmar Həsənov, 17 yaş

-         Marşrutlardan istifadə etmirəm.

Kənan Vəlizadə, 28 yaş

-         Çox vaxt “7” saylı marşrutdan istifadə edirəm. Dayanacaqlardan istifadə edirəm. Harda gəldi saxlamağa isə münasibətim pisdir.

Sahin İsmayılov, 23 yaş

-         Avtobuslardan istifadə edirəm. İnterval çox olsa daha yaxşı olar. Dayanacaqlara münasibətim isə yaxşıdır.

Cavad Sadıqov, 18 yaş

-         Fəaliyyətdən razıyam. Az hallarda sürət çoxalır. Dayanacaqlardan az istifadə edirəm. Hər hansı yerdə saxlamağa münasibət yaxşıdır.

Emil Musayev, 14 yaş

-         Marşrutdan az istifadə edirem. Çox vaxt dayancaqlardan istifadə etmirəm. Hər hansı yerdə saxlamağa münasibət normaldır.

Elnur Babazadə, 15 yaş

-         Marşrutlardan razıyam. Sayı çox olsa daha yaxşı olar. Dayanaqcaqlardan istifadə etmirəm. Hər hansı yerdə saxlamağına görə razıyam.

Nigar Hüseynova, 14 yaş

-         Marşrutdan çox az istifadə edirəm. Dayanacaqlardan istifadə edirəm.  Hər hansı yerdə saxlamağa münasibət pisdir.

Aqsin Məmmədov, 18 yaş

-         Marşrutlardan və dayanacaqlardan razıyam. Hər hansı yerdə saxlamağa münasibət normaldır.

Arzu Əliyeva, 13 yaş

-         Dayanacaqlardan istifadə etmirəm. Kənarda saxlamağına da pis baxıram.

Nurlan Əlizadə, 16 yaş

-         Dayanacaqlardan istifadə etmirəm. Hər hansı yerdə saxlamağına əla baxıram.

Orxan Məmmədzadə, 23 yaş

-         Marşrutların qıraqda saxlamağına pis baxmıram. Şəxsi maşınım var. Amma bəzən elə olur ki, marşrutlardan istifadə edirəm. Bu zaman isə dayanacaqdan istifadə edirəm.

Valeh Rəşidov, 21 yaş

-         Dayanacaqlardan istifadə edirəm. Marşrutlar dayanacaqda bəzən saxlayırlar.

Rəşad Həsənov, 33 yaş

-         Dayanacaq var ki?!

Elman Məmiyev, 29 yaş

-         Arada saxlayırlar. Dayanacaqdan istifadə etmirəm. Heç ehtiyac da yoxdur.  Çünki onuz da hər yerdə saxlayırlar.

Əzizə Əzimova, 41 yaş

-         İstifadə eləmirəm. Hər yerdə saxlayırlar.

Qanunsuzluğa yol verən sürücülər və  sərnişinlər məsuliyyətə cəlb olunacaqlar

“Ümumiyyətlə dayanacaqlar hər 500 metdən bir quraşdırılır. Lakin yerlərdən asılı olaraq bəzən məsafə dəyişə də bilər”

Bu sözləri Xeberle.com-a açıqlamasında  Dövlət Avtomobil Nəqliyyatı Xidməti Sumqayıt Regional şöbəsinin rəis müavini Mirdamət Şıxəliyev deyib. Rəis müavini  yaxınlarda    “Şərq” bazarı, 17-ci mikrorayon ərazisində və bir sıra yerlərdə yeni  avtobus dayanacaqlarının  quraşdırılacağını da sözlərinə əlavə edib.

 M. Şıxəliyev açıqlamasında marşrut avtobuslarının dayanacaqdan kənarda saxlanmasına da münasibət bildirib. Rəis müavini  bu məsələdə sərnişinləri də günahlandırıb: “Marşrutlar dayanacaqda saxlamalıdır. Əksər sürücülər buna əməl etməsələr də, bu belədir. Amma bəzən bu məsuliyyətsizliyin səbəbkarı sərnişinlərin  olur. Belə ki, sürücülərdən istədikləri yerdə saxlamağı tələb edirlər. Sürücülər də məcbur olub saxlayırlar”.

M. Şıxəliyev qeyd edib ki, qanunsuzluğa yol verən sürücülər və  sərnişinlər məsuliyyətə cəlb olunacaqlar.

Türkan, xeberle.com