Bu gün Sumqayıtda H.Əliyev abidə kompleksinin qarşısında Heydər Əliyevin anadan olmasının 91 illiyinə həsr olunmuş məktəblilərin hərbi paradı keçirilib.  Paradda 3 mindən çox məktəbli iştirak edib. Paradda yuxarı sinif şagirdləri ilə yanaşı, Milli Ordunun əsgərləri, texniki yaradıcılıqla məşğul olan uşaqların düzəltdikləri tank və digər zirehli texnika maketləri də  iştirak edib.  Paradı şəhər rəhbərliyi ilə birlikdə on minlərlə sakin izləyib.

Xatırladaq ki, Sumqayıt şəhər rəhbərliyinin tövsiyəsiylə məktəblilərin hərbi paradı artıq dördüncü  dəfə keçirilir. Ənənəyə çevrilmiş bu tədbir şagirdlərin milli-mənəvi dəyərlərimizin qorunması və gənclərin hərbi-vətənpərvərlik ruhunda tərbiyə olunması işində, həmçinin onların fiziki cəhətdən sağlam böyümələrində müstəsna əhəmiyyət kəsb edir.

Türkan, xeberle.com

Fotolar müəllifindir.