Xəbər verdiyimiz kimi, Prezident İlham Əliyev Azərbaycan
Respublikasının şəhər və rayonlarında çoxmənzilli binaların lift təsərrüfatının
maddi-texniki bazasının möhkəmləndirilməsi ilə bağlı əlavə tədbirlər haqqında sərəncam
imzalayıb.
Sərəncamla Azərbaycanın 12 şəhər və rayonunda 237 çoxmənzilli
binanın lift təsərrüfatının maddi-texniki bazasının möhkəmləndirilməsi məqsədilə
Azərbaycan Respublikası Prezidentinin 2019-cu il 15 yanvar tarixli 890 nömrəli
sərəncamı ilə təsdiq edilmiş "Azərbaycan Respublikasının 2019-cu il dövlət
büdcəsində digər layihələr üzrə dövlət əsaslı vəsait qoyuluşu (investisiya xərcləri)
üçün nəzərdə tutulan vəsaitin bölgüsü”nün 1.64-cü bəndində göstərilmiş məbləğin
40 milyon manatı bu sərəncama əlavə edilmiş siyahıya uyğun olaraq şəhər, rayon
icra hakimiyyətlərinə ayrılıb.
Qeyd edək ki, bu
siyahıda Sumqayıt şəhəri də var. Sərəncamla Sumqayıtda 29 binada 74 liftin əsasl təmiri nəzərdə
tutulur. Bu işlərin həyata keçirilməsi
üçün Sumqayıt şəhər İcra Hakimiyyətinə 800 min manat vəsait ayrılıb.
Sumqayıtda hansı ərazilərdə liftlərin əsaslı təmir ediəcəyini öyrənmək üçün Sumqayıt şəhər
"Lift-Servis” Birliyinin rəisi Cümşüd İsmiyevlə əlaqə saxladıq. Birliyin rəisi
Xeberle.com-a əsaslı təmir işlərinin aparılacağı əraziləri açıqladı: "74 liftin əsaslı təmiri üçün ayrılan vəsait əsasən,
6, 9, 10, 12 mikrorayonlar, 47-ci məhəlləni əhatə edəcək. Hazırda sərancamın
icrası ilə əlaqədar müəyyən hazırlıq işləri həyata keçirilir. Lazımi avadanliqlarin siyahıları hazırlanır və materiallar tam hazır
olduqdan sonra şəhər rəhbəri Zakir Fərəcovun
göstərişi ilə sərəncamın icrasına başlanılacaq”.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
