Son zamanlar Sumqayıt Dəmiryol Vağzalının xidmətlərindən
istifadə edən şəhər sakinləri ərazidən mikrorayonlara doğru hərəkət edən
marşrutların azlığından şikayət edilər.
Bildirilir ki, bu istiqamətdə avtobusların az sayda və intervalın
uzunmüddətli olması dəmiryol vağzalına getmək istəyənlər üçün çətinlik yaradır.
Məsələ ilə bağlı Sumqayıt Avtomobil Nəqliyyatı ilə Sərnişindaşıma
İdarəsinin rəisi Tofiq Saydumovla əlaqə saxladıq. T. Saydumov Xeberle.com-aaçıqlamasında ittihamlarla
razılaşmır: "Hazırda dəmiryol vağzalından şəhər istiqamətində 10A və 1
saylı marşrut xəttləri üzrə 25 marşrut avtobusu sərnişinlərə xidmət göstərir.
Bu marşrut avtobuslarının hərəkət xətti bütün şəhəri əhatə edir və interval isə
sxemə əsasən tənzimlənir".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
