Sumqayıt şəhər 13-cü mikrorayon sakini, uzun illər həkim işləmiş Teyyub Şahbazov şəhər Bələdiyyəsinin sədri Sultan
Əsədovdan şikayətçidir.
T. Şahbazov Xeberle.com-a ünvanladığı şikayət məktubunda 2009- cu ildə Sumqayıt meşə torpağının
bölüşdürülməsi zamanı Sumqayıt şəhər Bələdiyyəsinin həmin vaxtda sədr müavini işləyən
Sultan Əsədova 6000 manat məbləğində pul vəsaiti verdiyini iddia edir: "Həmin məbləği şəxsən onun özünə vermişəm və
torpağın sənədləşdirilməsini istəmişəm. Bələdiyyənin
torpaq xəritəsində 390 nömrə ilə 6 sot torpağın
mənə verilməsi ilə bağlı qeydiyyat aparıldı. Bundan sonra mən həmin torpaq sahəsini
hasarladım. Həmin vaxt dəftərxana kitabında mənə ərizə yazdırıb qeydiyyat aparmalarına baxmayaraq,
sənədləşmə aparmaq üçün 4000 min manat əlavə pul tələb etdilər. Bir həkim kimi bu
məbləği verməyə gücüm çatmadı. 2013- cü ildə Mirəli Məmmədovun çağırışı ilə Baş
Prokurorluq yanında Korrupsiya qarşı Mübarizə Baş idarəsində ekspert kimi
işləmişəm. Həmin dövrdə torpaq sahəsinin
sənədləşdirilməsini yenidən qurumdan tələb etdim. Pulu almaq şərti
ilə bağ sahəsinin sənədləşdirilməsinə söz verib məni arxayın
etdilər”.
O, bildirib ki, 2 dəfə hazırda
Sumqayıt Bələdiyyəsinin sədri olan Sultan Əsədovun qəbulunda olub: "Birinci
dəfə onunla görüşəndə mənim torpaq sahəmin
heç kimə verilməyəcəyi ilə bağlı söz verdi. İkinci dəfə qəbulda
olanda isə işçiləri tərəfindən
aldadılaraq torpaq sahəsinin başqasının adına sənədləşdirildiyinin və bunun
müqabilində 18000 manat aldığını bildirdi. Mən şikayət edəcəyimi dedim. Sultan
Əsədov isə təkrarən mənə dedi ki,
işçilərim məni aldadaraq
sənədlərə qol çəkmişəm. Hara istəyirsən şikayət elə. Hazırda böyrək xərçəngi ilə yataqdayam S. Əsədov oğluma bildirib ki, atan xəstədir,
bizə heç nə edə bilməz. Korrupsiya ilə mübarizə aparılan hazır ki, dövrdə, mənə
qarşı edilən bu haqsızlığın aradan qaldırılmasında mənə köməklik etməyinizi
xahiş edirəm”.
Haqqında səslənən iddialarla bağlı Sumqayıt şəhər Bələdiyyəsinin
sədri Sultan Əsədovla əlaqə saxladıq. S. Əsədov Xeberle.com-a açıqlamasında vətəndaşın
iddialarını əsassız saydığını və ona T. Şahbazov tərəfindən hansısa məbləğdə pul
verilmədiyini bildirib: "Mən həmin dövrdə bələdiyyədə işləməmişəm. Bələdiyyədə
2010-cu ildə fəaliyyətə başlamışam. Belə vətəndaşlar çoxdur haqqımda yalan məlumatlar
yayırlar. Bəlkə də kimsə ona torpaq veriləcəyinə şifahi olaraq söz verib. Bu
baş veribsə də məndən öncə olub. Ötən il vətəndaşı qəbul etmişəm. Bələdiyyə
əməkdaşlarının iştirakı ilə araşdırma aparılıb və onun adına hər hansı bir
torpağın olmadığı müəyyən edilib. Hazırda onun adına hər hansı bir torpaq sahəsi yoxdur”.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
