Belə ki, sakinlərə ərazidə qanunsuz yaşadığı deyilir. Onlar isə uzun illər kommunal haqqı ödədiklərini, hətta yaxınlıqda bir ailəyə Heydər Əliyev Fondunun dəstəyilə ev tikilib verildiyini söyləyirlər. Sakinlərin sözlərinə görə, Sumqayıt Şəhər Məhkəməsi də onların əleyhinə qətnamə çıxarıb. Həmin qətnaməni əlində bayraq tutan polis və icra məmurunun onlara hədə qorxu gələrək evlərindən çıxarmaq istədiklərini deyiblər. Bütün dövlət qurumlarına müraciət etdikərini deyən sakinlər dövlət başçısından dərdlərinə çarə gözləyirlər. Evsiz  qalmaq istəməyən şəhər sakinləri qalmaq üçün yaşayış yeri və kompensasiya istəyirlər.

Mövcud problemə açıqlama verən Sumqayıt Şəhər İcra Hakimiyyətinin Hacı Zeynalabdin qəsəbə İnzibati Ərazi Dairəsi üzrə Nümayəndəsi Lalə Hacıyeva adıçəkilən ərazidə problemin olduğunu təsdiqləyib.  "Dəfələrlə Sumqayıt şəhər icra başçısı Zakir Fərəcov həmin vətəndaşlarla görüşüb, problemləri ilə də yaxından tanış olub. Bu günlərdə İcra nümayəndəsi olaraq mən də həmin ailələrin üzvlərini qəbul etmişəm. Ərazi Müdafiə Nazirliyinə aid olduğundan Sumqayıt Şəhər İcra Hakimiyyəti məsələni köklü həll edə bilmir. Lakin onların yaşadıqları daxmalarda vəziyyət həqiqətən acınacaqlıdır, istismar müddəti bitmiş evlər artıq uçub dağılır. Kanalizasiya, elektrik, su xətləri də sıradan çıxıb. Hərbi hissə mövcud problemi bilir və olacaq hadisələrdən sığorta olunmaq üçün məhkəmə yolu ilə ailələri o evlərdən çıxarmaq istəyir. Zakir Fərəcov isə göstəriş verib ki, onun icazəsi olmadan heç bir ailə yaşadığı evlərdən çıxarıla bilməz.

Xüsusən ölkədə 21 iyun saat 00:00-dan 5 iyul saat 06:00-dək tətbiq olunacaq sərt karantin günlərində bu ailələrin sonrakı taleyi acı təəssüf doğrurur. Ümidvarıq ki, bu ailələr dövlət tərəfindən müvafiq mənzillərlə təmin olunacaq.