Sumqayıtda sərt karantin rejimini pozan şəxslərlə bağlı qanunvericiliyə uyğun tədbirlər görülür.
Sumqayıt şəhər Polis İdarəsinin İctimai təhlükəsizlik şöbəsinin rəisi, polis polkovnik -leytenantı Nizami Paşayev Xeberle.com-a bildirib ki, ötən sutka ərzində 60 nəfər şəhər sakini karantin rejimini pozduğuna görə İnzibati Xətalar Məcəlləsinin 211-ci maddəsinə əsasən cərimə olunub. Onlar barəsində inzibati xəta haqqında protokol tərtib edilib. Cərimə olunanlardan 40 nəfəri ictimai yerlərsə maska taxmadığına görə inzibati məsuliyyətə cəlb olunub.
Ümumilikdə isə 5 aprel tarixindən bu günə qədər Sumqayıtda 3860 protokol tərtib olunub.
Xüsusi karantin qaydalarının kobud şəkildə pozan 22 nəfərə isə inzibati həbs cəzası verilib.
Şəhərin küçə və prospektlərində müvəqqəti karantin postları yaradılıb və polis gücləndirilmiş iş rejimində xidmətlərini davam etdirir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
