Sumqayıt şəhər Dövlət Yol Polisi Şöbəsi sərt karantin rejimini pozan sürücülərin sayını açıqlayıb.
Şöbədən Xeberle.com-a verilən məlumata görə, iyunun 21-i saat 00:00-dan 22-i saat 00:00-dək Sumqayıt ərazisində xüsusi karantin rejiminin tələblərini pozan 43 sürücü müəyyən edilib. Bu sürücülərdən 11 nəfəri maska olmadan nəqliyyat vasitəsini idarə etdiyinə, 32 nəfəri isə icazəsi olmadığına görə İnzibati Xətalar Məcəlləsinin müvafiq maddəsi ilə məsuliyyətə cəlb olunaraq cərimə olunublar.
Qeyd edək ki, Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonu ərazisində xüsusi karantin rejiminin sərtləşdirilməsi ilə bağlı əlavə tədbirlər barədə qərar qəbul edilib.
Qərara əsasən, sərt karantin rejimi 21 iyun saat 00:00-dan 5 iyul saat 06:00-dək davam edəcək.
Xədicə Səxavətqızı
Xəbərdən istifadə edərkən istinad etmək vacibdir.
