Sumqayıtı minlərlə xoş əməl sahibləri, qədirbilən və cəfakeş insanlar tikib.

Sumqayıt əməksevərlər və zəhmətkeşlər şəhəridir. Çünki bu şəhəri əqidəsi düz, əməli saf, ürəyi təmiz insanlar tikib.

Sumqayıt ziyalılar və alimlər şəhəridir. Çünki öz elmi və kadr potensialı ilə Azərbaycanını intellektual bazasına çevrilib.

Sumqayıt vətənpərvərlər şəhəridir. Çünki Azərbaycanını müstəqilliyinin qazanılımasında özünün vətənpərvərlik səlnaməsini qızıl hərflərlə yazılıb.

Sumqayıt təmənnasız şəhərdir. Çünki burada etibar və inam hər şeydən üstün tutulur.

Sumqayıt Azərbaycanda mehribançılığı və birliyi özündə təccəssüm etdirən yeganə şəhərdir. Çünki burada insanlara qarşı biganə olmaq qeyri mümkündür.

Sumqayıt ağsaqallar şəhəridir. Çünki burada haqsalam, hörmət, böyüyə ehtiram var.

Sumqayıt çörəkli şəhərdir. Çünki alın təri ilə qazanılan çörək həmişə halal və bərəkətli olub.

Sumqayıt haqqında dastanlar qoşmaq, onun təəssübkeşləri barəsində abidə ucaltmaq olar. Onun ən böyük abidəsi isə canlı insanlar və onların quruculuq işləridir. Bu insanlarla isə həmişə fəxr etmək olar.

Biz sizinlə fəxr edirik əziz sumqayıtlılar!

Mənbə: Sumqayıt şəhərinin 50 illiyi münasibətilə "Əməkdar jurnalist” Eyruz Məmmədov və jurnalist Aygün Hacıyevanın müəllifi olduqları "Sumqayıtım mənim” kitabı

Xeberle.com