"Qayalı Marketlər Şəbəkəsi" Arzu Babayevanın iddiasına münasibət bidlirib.
Xeberle.com xəbər verir ki, "Qayalı" Marketlər Şəbəkəsinin mətbuat və ictimaiyyətlə əlaqələr şöbəsinin rəhbəri İlkin Şirinov gundemtv.az saytına açıqlamasında marketlər şəbəkəsində Arzu Babayeva adlı şəxsin işləmədiyini bildirib: "Qayalı Marketlər Şəbəkəsin"ə məxsus heç bir mağaza və ticarət obyektində belə bir şəxs işləməyib. Bağlanan mağazada belə həmin ad və soyadda heç bir işçi fəaliyyət göstərməyib. Üstəlik heç bir əməkdaş Əmək qanunvericiliyinə zidd olaraq artıq işə cəlb olunmayıb və bütün mağazalarda 8 saatlıq iş rejimi təmin edilib".
Xatırladaq ki, açıqlamanın verildiyi gundemtv.az saytı "Qayalı" Marketlər Şəbəkəsinin mətbuat və ictimaiyyətlə əlaqələr şöbəsinin rəhbəri
Şirinov İlkin Səxavət oğluna məxsusdur.
Buradan da aydın olub ki, marketin məsul şəxsi öz saytına açıqlama verib.
xxx
Sumqayıt şəhərində "Qayalımarket” şəbəkəsinin marketlərinin birində satıcı işləyən Arzu Babayeva işdən xəbərsiz çıxarılmasından narazıdır.
O, açıqlamasında bildirib ki, işdən çıxarılan zaman ona nə xəbərdalıq edilib, nə də hansısa müavinət ödənilib: "Həmin marketdə 5 ilə yaxın işləmişəm. Bir dəfə də olsa, məzuniyyətə buraxılmamışam. Hətta işdən çıxarılanda istifadə etmədiyim məzuniyyətlərə görə mənə kompensasiya da ödənilməyib”.
A.Babayeva iş rejimlərinin də qanunsuz uzadıldığını bildirib: "Sanki quldarlıq dövründəki kimi idi. Qanunvericilyə əsasən, həftədə iş vaxtı 40 saat nəzərdə tutulsa da, biz həftədə 6 gün olmaqla 12 saat (8 saatdan artıq işləməsi nəzərdə tutulur - red) işləmişik. Aidiyyəti orqanlardan xahiş edirəm məsələni nəzarətdə saxlasın və "Qayalımarket”dəki qanunsuzluqlara hüquqi qiymət verilsin”.
Məsələ ilə bağlı sözügedən marketlər şəbəkəsi ilə əlaqə saxlamağa çalışsaq da, cəhdlərimiz uğursuz oldu.(report.az)
Xəbərdən istifadə edərkən istinad etmək vacibdir.
