Bakı-Sumqayıt yolunda, Xırdalan şəhəri ərazisində yol-nəqliyyat hadisəsi baş verib. Hadisə avtomobil satışı salonlarından birinin yaxınlığında qeydə alınıb. Belə ki, "Kamaz" markalı yük maşını, "Shagman" markalı digər yük maşını ilə toqquşub.
Hadisə yerinə polis və Fövqəladə Hallar Nazirliyinin (FHN) xilasediciləri cəlb olunub. Xilasedicilər "Shagman" yük maşınında sıxılan vəziyyətdə qalan yaralı sürücünü çıxararaq hadisə yerində olan "Təcili yardım" briqadasının həkimlərinə təhvil veriblər.
Qəza ilə bağlı araşdırmalar aparılır. (report)
Xəbərdən istifadə edərkən istinad etmək vacibdir.
