Sumqayıtda yaşayış binalarının istilik sistemi ilə tam təchiz olunması məsələsi illərdir ki, çözülməmiş qalır. Tədbirlər planına görə, şəhər 2018-ci ildə tam olaraq istilik sistemi ilə təmin edilməli idi. Baxmayaraq ki, artıq 2022-ci ildir hələ də istilik sistemi ilə təchiz olunmayan ərazilər qalmaqdadır.
"Sumqayıtistiliktəchizat” İdarəsindən isə Xeberle.com-a bildirilib ki, dövlət tərəfindən vəsait ayrılacağı təqdirdə bu məsələ öz həllini tapa bilər: "Şəhərin tam istilik təchizatı ilə təmin olunması üçün ümumilikdə 36 qazanxana tikilməlidir".
Qeyd edək ki, hazırda Sumqayıtda 263 bina istiliklə təmin olunur.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
