Xeberle.com məlumat verir ki, Sumqayıt şəhər Səməd Vurğun adına Mərkəzi Kitabxana tərəfindən "İlham Əliyevin Sumqayıta səfərləri” adlı tammətnli elektron resurs hazırlanıb. Sumqayıt şəhər Səməd Vurğun adına Mərkəzi Kitabxanasının direktoru Yeganə Əhmədovanın tərtibatçısı olduğu və  92 səhifədən ibarət olan elektron resursda  Azərbaycan Respublikasının Prezidenti İlham Əliyevin hakimiyyətdə olduğu vaxtdan bu günədək Sumqayıt şəhərinə olan səfərlərindən bəhs edir.
Oxuculara təqdim olunan "İlham Əliyevin Sumqayıta səfərləri” adlı elektron resursda  dövlət başçısının səfərlər çərçivəsində Sumqayıtda tikilən müəssisələrin, sosial əhəmiyyətli obyektlərin təməlqoyma və açılış mərasimlərində iştirakı, aparılan yenidənqurma və abadlıq işləri ilə tanışlığı, ictimaiyyət nümayəndələri ilə görüşləri, bu görüşlər zamanı söylədiyi nitqləri, müraciətləri, Sumqayıtın inkişafı və sumqayıtlıların rifahı naminə şəhərin səlahiyyətli nümayəndələrinə göstərişləri öz əksini tapıb. Resurs AzərTAc İnformasiya Agentliyinin məlumatları əsasında hazırlanıb.
Elektron resursla bu linkdə tanış olun: http://sumlib.az/tarix/Ilham%20%C6%8Fliyevin%20Sumqay%C4%B1ta%20s%C9%99f%C9%99rl%C9%99ri-20152015.pdf

Xeberle.com