İkinci Dünya Müharibəsi – bəşər tarixinin ən böyük müharibələrindən biridir. Məhz bu müharibədə 60-a qədər ölkə iştirak edib. Bu müharibədə nə qədər insanlar həyatlarını itirib, kimləri isə əsir düşərək tanımadıqları ölkələrə sürgün edilib.
Xeberle.com-un məlumatına görə, elə sovet əsgərləri tərəfindən əsir götürülmüş alman əsgərləri də o zaman tanımadıqları Sumqayıt şəhərinə gətirilir. Onlar burada şəhərin salınmasına cəlb edilirlər. 311 girovdan 269-u alman əsilli, qalanları avstriyalı və macar imiş. Azərbaycan SSR-də gənclər şəhəri olan Sumqayıtın salınmasında iştirak edən bu əsirlər elə əsasını qoyduqları şəhərdə dəfn olunublar.
Ukraynaya raket yağışı: Zelenskinin ofisi hədəfə alınıb
Nazir müavininin niyə həbs olunduğu MƏLUM OLDU
Həyətindəki istixanada görün nə yetişdirdi
Uzun müddət Azərbaycanda dəfn olunmuş almanların şəxsiyyəti barədə heç bir məlumat olmayıb. Sovet rejimində hərbi əsirlər haqqında informasiya dövlət sirri səviyyəsində qorunurdu.
Onlar 40-50-ci illərdə Sumqayıtın tikintisində iştirak ediblər. Sumqayıtın İnşaatçılar qəsəbəsində "finski" adlanan taxta evlərin tikilməsində, eləcə də 4,5,18 və 19-cu məhəllələrin salınmasında xüsusi iştirak ediblər. Bununla yanaşı, Sumqayıtda 1952-ci ildə inşa olunan Cəfər Cabbarlı adına Mədəniyyət evinin tikintisində də onların əməyi olub.
Xəbərdən istifadə edərkən istinad etmək vacibdir.
