Tezliklə Lider televiziyasının efirində "Keçmişin lənəti” adlı yeni serial yayımlanacaq. Bu haqda məlumatı Xeberle.com-a serialın rejissoru Pəyyam Raqifoğlu verib. Peşəkar kollektiv ilə izləyiciləri sevindirəcəyini bildirən P.Raqifoğlu həmçinin qeyd edib ki, "Keçmişin Lənəti” teleserialı digər film və seriallardan qeyri-adi ssenarisi və təcrübəli kollektivinə görə də fərqlənəcək. Hazırda serialın promo teaseri izləyicilər üçün sosial şəbəkələrdə yayımlanıb. Baş rollarda Məhərrəmov Elşad, Şəbnəm Pənahova, Fətəliyeva Məhbubə, Məhəmməd Mübariz, Nübar İmamquliyeva, Toğrul Musa və Səkinə Seyidova, filmin ssenarisi isə Elvin Qafarovundur. Serial yeni mövsümdə, həftəsonları izləyicilərə təqdim olunacaq. Qeyd edək ki, artıq serialın çəkilişlərinə başlanılıb.