O, sənətə yeni qədəm qoyan aktrisadır.

Ukraynanın xalq artisti, məşhur sovet və Ukrayna teatr və kino aktyoru, teleaparıcı Ostap Stupka həyat yoldaşından ayrılıb.

Oxu.Az xəbər verir ki, Ostap Stupkanın həyatında böyük dəyişikliklər baş verib: o, 15 il bərabər yaşadığı həyat yoldaşı İrinanı tərk edib və gənc bir qızla görüşür.

"Babay” cizgi filminin təqdimatına məhz onunla gəlib (filmdə qəhrəmanlardan birini səsləndirib). Həyat yoldaşı İrina ilə ictimaiyyət arasında son dəfə atası Boqdan Stupkaya həsr edilmiş fotosərginin açılışı zamanı görünüb.

Əvvəlcə aktyor sentyabrın əvvəlində 4-cü dəfə (İrina ilə izdivacından 14 yaşlı Ustina və 7 yaşlı Boqdan, birinci nikahından isə 28 yaşlı Dmitri adlı oğlu) ata olmağa hazır olduğunu ağzından qaçırdıqdan sonra şəxsi həyatı barəsində söhbətlərdən yayınmağa çalışdı. Amma sonra isə etiraf etdi:

"Mənim İrina ilə çoxdan fikir ayrılığım var, amma onu və iki övladımı tələbəyə görə tərk etdiyim doğru deyil. Heç bir mülkiyyət bölgüsü və uzanmış boşanma prosesi yoxdur. Çünki biz artıq boşanmışıq, hər şey çox sakit keçdi. Darya ilə isə İrina ilə artıq boşanacağımızı bildikdən sonra tanış olmuşuq”.

Oğlu Dmitrinin sözlərinə görə, onların tanışlığı altı aydan çoxdur.

Sevdiyi xanımın kim olduğunu və nə ilə məşğul olduğunu Stupka bildirmək istəmədi:

"Mənim şəxsi həyatımın ictimai dəyərə çevrilməsi məni dəli edir!”.

Amma "Vesti” aydınlaşdırıb ki, onun adı Daryadır, sənətə yeni qədəm qoyan aktrisadır. (İ.K.Karpenko-Kari adına İnstitutda aktyorluq sənətini öyrənib) Yeri gəlmişkən, o, Ostapdan 20 yaş kiçikdir.

Özü haqqında Darya sosial şəbəkələrdə yazır ki, hal-hazırda heç harada işləmir, amma Ostapı hər bir yerdə müşayiət edir. Belə ki, keçən yaz aktyor, yayda "ailə ilə birlikdə Vilnüsə - art yarmarkaya” səfər edəcəyini demişdi.

İyunda isə Darya Litvanın paytaxtında gəzintidən şəkillər paylaşıb, bu yaxınlarda isə Ostapla Odessaya gedib – orada aktyor "Maestro” yerli serialında çəkilir.

Daryanın sağ əlində teatr maskaları şəklində döymə var, selfie çəkdirməyi sevir, o cümlədən də Stupkanın işlədiyi, İvan Franko teatrının qrim otağında, yumoristik şoulardan anları paylaşmağı sevir, Depeche Mode dinləyir və Dima Stupka ilə dostluq edir.

Qeyd edək ki, Stupka "Boqdan-Zinoviy Xmelniski”, "Taras Bulba”, "Biz gələcəkdənik 2”, eləcə də "Birinci milyon”, ("Kim milyoner olmaq istəyir?” verilişinin Ukrayna versiyası), "Sonuncu qəhrəman” realiti-şounun aparıcısı olub.