Bu gün Səməd Vurğun adına Sumqayıt şəhər Mərkəzi Kitabxanasında Süleyman Hüseynovun  müəllifi olduğu  "AND" romanımın təqdimatı və imza günü keçirilib. Tədbirdə  yazarın qələm dostları, oxucular,o cümlədən respublikanın əməkdar jurnalistləri Eyruz Məmmədov, Rafiq Oday, filologiya elmləri doktoru, ədəbi tənqidçi  Vaqif Yusifli,  "Axar.az” saytının redaktoru,"Ədəbiyyat" qəzetinin məsul işçisi Faiq Balabəyli, "Kaspi" qəzetinin poesiya şöbəsinin redaktoru Dayandur Sevgin,"Ulduz" jurnalının məsul işçisi, tanınmış şairə Fərqanə Mehdiyeva ,Dövlət mükafatı laureatı, əməkdar mühəndis,kimya üzrə fəlsəfə doktoru Təbrik Quliyev, şair, publisist Əşrəf Veysəlli və digərləri çıxış ediblər.
Çıxış edənlər  yazarın qələmə aldığı "AND” romanı haqqında fikirlərini bölüşüblər. Qeyd olunub ki,  poeziya vurğunu olan Süleyman Hüseynov  bir-birindən gözəl şeirlər və poemalar yazır, yaradıcılığını getdikcə təkmilləşdirir.  Bildirilib ki, yazarın hələ gənclik illərində respublikada nəşr olunan kütləvi informasiya vasitələrində imzasına tez-tez rast gəlmək olardı.
Sonra yazar tədbir iştirakçıları maraqlandıran sualları cavablandırıb.
Sonda  tədbir iştirakçılarına S. Hüseynovun imzası ilə "AND” romanı paylanıb.Qeyd edək ki, bu roman vətənpərvərlik mövzusundadır,Qarabağ müharibəsindən bəhs edir. Eyni zamanda sevgi,millətlər arası münasibətlər, daxili və xarıcı siyasət məsələləri əksini tapıb. Hadisələrin böyük əksəriyyəti realdır.
Xatırladaq ki, "AND” romanının  birinci hissəsi 2004-cü ildə nəşr olunub.
S. Hüseynov 2005-ci ildə vətənpərvərlik mövzusunda yazılmış ən yaxşı əsər kimi "Qılınc və Qələm" Beynəlxalq Ədəbi Mükafata layiq görülüb.
Xeberle.com