Bakıdakı "Gənclər evi"ndə gənc yazarların təşkilatçılığı ilə AYB-nin üzvü, prezident təqaüdçüsü, tanınmış şair Sabir Yusifoğlunun oxucular və bir qrup ədəbiyyat nümayəndələri ilə görüşü keçirildi.
Tədbirin aparıcısı istedadlı gənc şair Emil Rasimoğlu S.Yusifoğlunun həyat və yaradıcılığı barədə geniş məlumat verdi. 
Sonra çağdaş poeziyamızın tanınmış nümayəndələrindən Ramiz Qusarçaylı, Fərqanə Mehdiyeva, Ayaz Arabaçı, İbrahim İlyaslı, Namiq Dəlidağlı, İlham Qəhrəman, Esmira Məhiqızı, Səadət Cahangir və digərləri, gənc yazarlardan Əntiqə Səməndər, Şəhriyar Seyidoğlu, Sərvər Kamranlı, Rəşad Məhəmmədoğlu və başqaları çıxışlar etdilər.Bütün çıxışları bir məqam ümumiləşdirdi: S.Yusifoğlu isdedadlı şair olmaqla yanaşı, öz üslubu, öz yolu olan qələm sahibidir. Gecə boyunca Sabir Yusifoğlunun yaradıcılıq nümunələri özünün və çıxışçıların ifasında qonaqlara təqdim olundu. Sonda S.Yusifoğlu tədbirin təşkilatçılarına və iştirakçılarına təşəkkürünü bildirdi.
manevr.az

Xəbərdən istifadə edərkən istinad etmək vacibdir.