Xeberle.com-a verilən məlumata görə, Ə.Kərim adına Poeziya klubunun direktoru İbrahim İlyaslı çıxış edərək Məryəm Aslanqızının yaradıcılığı haqqında tədbir iştirakçılarına məlumat verib.

Azərbaycan Yazıçılar Birliyi Sumqayıt bölməsinin sədri Gülnarə Cəmaləddin, Sumqayıt şəhər İcra Hakimiyyətinin əməkdaşı Eyvaz Qocayev, şairin qələm dostlarından Əşrəf Veysəlli, Rəfiqə Şəms, Namiq Dəlidağlı, Rafiq Dağkəsəmənli, Qənirə Mehdixanlı, Almaz Sahilə, Mənsurə Eldarqızı, Xatirə Fərəcli, Müqəddəs Şahbazov, Zakir Zahir, Ruzigar Cəbisoy Çələbi və Sevinc Qərib çıxış edərək yubilyarı təbrik ediblər və xoş arzularını çatdırıblar.

Şairin Sabir Sarvan adına Uşaq poeziya teatrı üzvlərinin ifasında səslənən şeirləri tədbir iştirakçıları tərəfindən maraqla qarşılanıb.

Ceyhun Hüseynovun ifa etdiyi saz havaları məclisə bir başqa ovqat bəxş edib.

Sonda Məryəm Aslanqızı çıxış edərək tədbirin təşkilatçısı və iştirakçısı olan hər kəsə minnətdarlığını bildirib və yeni şerlərini oxuyub.