Azərbaycan
Yazıçılar Birliyinin (AYB) yeni yaradılan Qubadlı bölməsinin sədri Namiq Məna
(Əliyev) Sumqayıt şəhərində rayonun ədəbi camiəsi ilə ilk görüşünü keçirib.
Xeberle.com-unverdiyi məlumata görə, görüş Azərbaycan Respublikasının Dövlət Himni ilə
başlayıb və vətən uğrunda şəhid olanların ruhu bir dəqiqəlik sükutla yad
edilib.
Bölmənin
sədri təşkilatın yaranma zərurətindən danışıb və ona etimad göstərildiyi üçün
Azərbaycan Yazıçılar Birliyinin (AYB) sədri Anara və Qubadlı rayon İcra
Hakimiyyətinin başçısı Malik İsaqova təşəkkürlərini bildirib. Ağsaqqal şair,
publisist, dramaturq Əvəz Mahmud Lələdağ yeni bölmənin fəaliyyətə başlamasının
ölkədə ədəbiyyata, mədəniyyətə ayrılan xüsusi diqqətin nəticəsi kimi qiymətləndirib.
Namiq Mənanın poeziyasında xalq yaradıcılığının el yaddaşının, milli mənəvi, əxlaqi
dəyərlərin önəmli yer tutduğu bildirilib və bölgədə istedadlı gənclərin üzə
çıxarılacağından əmin olduğunu vurğulanıb. AYB-nin Sumqayıt Bölməsinin sədri
Gülnarə Cəmaləddin də həmkarını təbrik edərək, gələcəkdə birgə layihələrlə milli
ədəbiyyata xidmət edəcəklərinə əminliyini ifadə edib.
Filologiya
elmləri doktoru Əliağa Cəfərov, əməkdar artist Nazir Rüstəmov, "Bərgüşad" qəzetinin redaktoru
Qafqaz Əvəzoğlu, şairlər Mürvət Qədimoğlu, Asif Sadıqoğlu, Qubadlı Təhsil Şöbəsinin
nümayəndəsi və başqaları görüşdə çıxış edərək yetərincə ədəbi simalar
yetişdirmiş Qubadlıda bu bölmənin yaradılmasını alqışlayıblar.
Qubadlı
rayon İcra Hakimiyyəti Başçısının müavini Xoşqədəm Alıyeva çıxış edərək
prezident İlham Əliyevin ədəbiyyatımıza göstərdiyi yüksək diqqət və qayğının
uğurlu bəhrələrindən söz açıb. X. Alıyeva yeni mədəniyyət mərkəzlərinin, muzeylərin
yaradılmasının, tarixi abidələrin təmiri və bərpasının, dahi mütəfəkkir və sənətkarların
yubileylərinin keçirilməsinin mədəni və ədəbi həyata zənginlik gətirdiyini,
yaradıcı insanlar üçün ədəbi mühitdə geniş imkanlar yaratdığını vurğulayıb.
Elnarə Salamova
Xeberle.com
Xəbərdən istifadə edərkən istinad etmək vacibdir.
