"Google" 2015-ci ildə ən çox axtarılan  mövzularını,  trendlərini  "A Year in Search" icmalında  açıqlayıb.

Xeberle.com xeberler.az-a istinadən xəbər verir ki, dünya miqyasında "Google" üzərindən  bu il ölkələrin  maraqla axtardıqları məşhur şəxslərin, film və TV proqramların siyahısı tərtib edilib.

Google-un A Year in Search 2015" hesabatında  bu il zirvədə 897 milyondan çox axtarış sayı ilə Parisdəki  terror hücumları yer alıb.

496 milyon axtarışla 87-ci Oskar mükafatları 2-ci sırada  olub.

Gündəmə gəldiyi  gündən indiyə qədər  155 milyonu  keçən "Ulduz savaşları" filmi sürətli yüksəlib.

Film Google-da ən çox axtarılanlar siyahısındadır.

Ölkələrə görə ən çox axtarılan trendlər siyahısını hazırlayan  "Google" bu məlumatları qısa videoicmal ilə ətraflı təqdim edib.