Xeberle.com-un əldə etdiyi məlumata görə Sumqayıtda bağlanan daha bir yolun açılaraq sürücülərin ixtiyarına veriləcəyi ehtimal edilir.
Belə ki, Sumqayıtın keçmiş icra başçısı Eldar Əzizov tərəfindən vaxtilə qapadılan və meydan salınan Kimyaçılar Mədəniyyət sarayının qarşısındakı avtomobil yolunun fəaliyyəti yenidən bərpa ediləcəyi gözlənilir. Avtomobil yolu bərpa edilərsə Heydər Əliyev prospektindən gələn avtomobillər birbaşa düzünə hərəkət edə biləcəklər.
Bildirək ki, Heydər Əliyev parkının 9-cu mikrorayon hissəsində olan köməkçi yol ərazidə təmir işləri aparıldıqdan sonra Üzeyir Hacıbəyov küçəsində olan avtomobil yoluna birləşəcək. Belə olduğu təqdirdə sürücülərin yolu qısalmış olacaq və onlar daha "Şərq” bazarının arxa hissəsində olan yola daxil olmadan, birbaşa Ü. Hacıbəyov küçəsinə çıxa biləcəklər.
Xatırladaq ki, Zakir Fərəcov fəaliyyətə başladıqdan sonra ilk işi "Bayraq Meydanı"nın qarşısındakı yolun yenidən açılması olub.
Bu artıq əvvəlki icra başçısı tərəfindən bağlanan, açılacaq ikinci yoldur.
Sonda da əlavə elə ki, Heydər Parkının 6-cı mikrorayon Zülfü Hacıyev tərəfindən hissəsində olan köməkçi yol isə birdəfəlik bağlanaraq parkın ərazisinə qatılacaq.

Xeberle.com