Xəbər verdiyimiz kimi Sumqayıtda qətl törədilib.  Sumqayıt şəhər Polis İdarəsindən verilən məlumata görə, hadisə şəhərin 13-cü mikrorayon ev 6 ünvanında qeydə alınıb. Həmin evin 8-ci mənzilində yaşayan, 1989-cu il təvəllüdlü Namiq Məmmədovun bıçaqla qətlə yetirilmiş meyiti evin qarşısında aşkar edilib. Hadisənin kimin və hansı məqsədlə törədildiyi hələlik məlum deyil. Faktla bağlı Sumqayıt şəhər Prokurorluğu tərəfindən cinayət işi başlanıb, istintaq gedir.
Xeberle.com qətlə yetirilən Namiq Məmmədov barəsində maraqlı faktlar əldə edib. Ötən gün gecə saatlarında  evlərinin qarşısında qətlə yetirilən mərhumun martın 22-də 27 yaşı tamam olacaqmış. Bakıda mərkəzlərin birində mühafizə kimi çalışan Namiq həmin gün gecə növbəsində imiş.
Doğum gününü bir gün sonra -yəni  bu gün keçirməyi planlaşdırırmış. Amma sonradan Namiq fikrini dəyişib. Gecə növbəsində olmağına baxmayaraq rəhbərlikdən icazə alaraq evlərinə gəlməyi düşünüb. 
Mərhum  atasına zəng edərək növbəsini başqa günə dəyişdiyini bildirib və doğum gününü qeyd etmək üçün evə gələcəyini deyib. Gecə saatlarında evə gələn Namiq yaşadığı binanın qarşısında naməlum şəxs tərəfindən bıçaqlanıb.
Onun yerə yıxıldığını görənlər Namiqin vəziyyətinin yaxşı olmadığını, yerə yıxıldığını anasına xəbər ediblər.
Mərhumun qonşularının bildirdiyinə görə Namiq anasının qucağında  aldığı bıçaq zərbələrindən daxili qanaxmadan keçinib.
Xeberle.com mərhumun fotolarını təqdim edir:






Məlumatlardan istifadə etdikdə istinad mütləqdir.