"Sumqayıtda marşrut avtobuslarında quraşdırılan validatorlarda olan problemlər proqram təminatından irəli gəlir. Ödəniş aparatları Rusiyada istehsal olunduğu üçün kodlaşdırılma işləri də orada aparılır. Həmçinin kartlarda da problemlər yaranıb. İndiyə kimi 100 mindən çox kart satılıb. Sistem yeni qurulub problemlərin olması da normaldır”.
Bu barədə Xeberle.com-a "Sumqayıt Nəqliyyat -1” MMC-dən məlumat verilib. Bildirilib ki, problemi olan kartların şəkilləri çəkilərək istehsalçıya göndərilir: "Bu kartlar yenidən kodlaşdırılır və istifadəyə verilir. Vətəndaşların problemlərlə qarşılaşması arzuolunan hal deyil. Bu bizim üçün də məqbul deyil. Kartlarda problem gec həll olunursa, kartları yenisi ilə dəyişirik. Bu sistemin Sumqayıtda istifadəyə verilməsi ölkə olaraq hər kəsə uğurlu olacaq. Sadəcə yaranan kiçik sıxıntılar aradan qaldırılsın, yaxında bütün nəqliyyat vasitələri onlayn sistemə qoşulub GPS sistemi ilə təmin olunacaq. Ancaq bu şəkildə əhaliyə qüsursuz xidmət edə biləcəyik. Artıq gələn bütün gəlirlər qeydə alınır, birbaşa banka köçürülür. Bütün gəlirlər vergiyə cəlb olunur, sürücülərin maaşları rəsmi qeydiyyatla verilir”.
Xədicə Səxavətqızı
Xəbərdən istifadə edərkən istinad etmək vacibdir.
