"Yüksəliş Naminə” qəzetinin baş redaktor müavini, Azərbaycan
Xalq Cəbhəsi Partiyasının (AXCP) üzvü
Elçin Həsənov Gürcüstana keçmək
istəyərkən "Sınıq körpü” sərhəd-keçid
postundan buraxılmayıb. E. Həsənov
saxlanılaraq Qazax rayon polis şöbəsinə gətirilib. Hazırda şöbədə
dindirilir. Onun saxlanılmasına səbəb kimi hansısa cinayət işində şahid qismində
istintaqa cəlb edilməsi göstərilir.
Qeyd edək ki, E. Həsənov Avropa Şurası Parlament Assambleyasının
(AŞPA) aprelin 20-dən 24-dək Strasburqda keçiriləcək sessiyasında iştirak etmək
üçün Tbilisi aeroportundan Fransaya uçmalıymış. Məlumat üçün bildirək ki, onunla yanaşı həmin tədbirdə "Sumqayıt Gənclərinin Hüquqi Maarifləndirilməsi”
İctimai Birliyinin prezidenti, "Yüksəliş naminə” qəzetinin baş redaktoru
Elçin Məmməd də iştirak edəcək.
Xeberle.com
Xəbərdən istifadə edərkən istinad etmək vacibdir.