"Azərikimya” İstehsalat Birliyində Ümummilli lider Heydər Əliyevin anadan olmasının 92-ci ildönümü ilə əla­qə­dar şəhər ictimaiyyətinin nümayəndələrinin iştirakı ilə geniş tədbir keçirilib. Birliyin Mətbuat xidmətindən Xeberle.com-a verilən məlumata görə, tədbirdə çıxış edənlər Azərbaycan dövlətçilik ənənələrinin bərpa edilib zənginləş­dirilməsi, ölkəmizin müstəqilliyinin möhkəmləndirilməsi, əbədi, dönməz xarakter alması, respublikamızın dinamik inkişaf yolu ilə inamla irəliləməsi və beynəlxalq nüfu­zunun artmasının Ulu öndər Heydər Əliyevin səmərəli fəaliyyəti, qətiyyəti və əzmkarlığı sayəsində mümkün olmasından ətraflı söhbət açıblar.

Ümummilli liderin tarixi xilaskarlıq missiyasından,yalnız hüququn aliliyinə əsaslanan idarəetmə sistemi yaratmasından danışan natiqlər Heydər Əliyevin uzaqgörən və müdrik siyasəti nəti­cəsində 1994-cü il sentyabrın 20-də «Əsrin müqaviləsi»nin imzalanması ilə Azərbay­ca­nın iqtisadi cəhətdən qüdrətli bir dövlətə çevrilməsinin və dünya miqyasında nüfuzunun armasının təməlinin qoyulduğunuvurğulayıblar.

Böyük minnətdarlıq hissi ilə qeyd edilib ki, sumqayıtlılar daim dahi rəh­bər Heydər Əliyevin diqqət və qayğısını hiss ediblər. Sumqayıtın sosial-iqtisadi inki­şafında, onun sənaye strukturunun formalaşması və potensialının artırılmasında, elmin, təhsilin, mədəniyyətin tərəqqisində Ulu öndərin müstəsna xidmətləri olub. Dövlət qayğılarının çoxluğuna, işinin son dərəcə gərgin olmasına baxmayaraq Heydər Əliyev dəfələrlə Sumqayıtda olub, sumqayıtlılarla, eləcə də kimyaçılarla görüşüb, şəhərin hərtərəfli inkişafı üçün dövlət səviyyəsində mühüm tədbirlərin həyata keçirilmə­sinə nail olub. Təsadüfi deyildir ki, Heydər Əliyevin rəhbərliyi dövründə texniki-istehsalat bazasının gücləndirilməsi, əsaslı sürətdə müasirləşdirilməsi və yeniləşdirilməsi proqramının reallaşdırılması ölkənin kimya sənayesini yeni keyfiyyət pilləsinə qaldırdı və gələcək inkişafının əsasını qoyub.

Natiqlər onu da vurğulayıblar ki, Vətəninə və xalqına hədsiz sədaqət və məhəbbətini genişmiqyaslı respublika və beynəlxalq əhəmiyyətli tədbirlərdə təsdiq edə­rək ölkə əhalisinin böyük rəğbət və ehtiramını qazanmış Azərbaycan Respublikasının Prezidenti İlham Əliyev bu gün Ulu öndərin dövlətçilik ənənələrini uğurla davam etdirərək, bey­nəlxalq aləmdə ölkəmizin siyasi nüfuzunun və iqtisadi qüdrətinin artırılması, eləcə də respublikamızın neft-kimya sənayesinin perspektiv inkişafı ilə bağlı son 12 ildə – Azərbaycan Prezidenti seçildiyi ilk günlərdən etibarən çox geniş spektrdə tədbirlərin həyata keçirilməsinə nail olub .

Tədbirin sonunda Sumqayıt şəhərindəki "Təfəkkür” liseyinin şagirdlərinin ifasında Ulu öndərə və müstəqil Azərbaycanımıza həsr olunmuş şeirlər ibarət kompozisiya və musiqi çələngi təqdim təqdim olunub.