Bu xəbərimiz qeyri-adi toy karvanı ilə bağlıdır. Təsəvvür edin, toy karvanında bəy maşınından əvvəldə traktor gedir. Səbəbi isə olduqca maraqlıdır.

Qabağına oyuncaq ayı bərkidilmiş traktor toy karvanına qatılıb. Görüntülər Qazaxın Alpoud kəndində keçirilmiş toy mərasiminin gəlingətirdi mərasimindədir..

Toy günü gəlin karvanında traktorun bəy maşından öndə getməsi hər kəsin marağına səbəb olub. Bəziləri bunun diqqət çəkmək üçün edildiyini düşünsə də, əslində səbəb başqadır.

Gəlin ayaqqabısının öndə gətirilməsi qədimi adət olsa da, bu mərasimin traktor vasitəsilə həyata keçirilməsi gəlini yola salmağa hazırlaşan qohum-əqraba tərəfindən maraqla qarşılanıb.