Dünya sakinlərinin demək olar ki, hər birinin tanıdığı "PepsiCo” şirkəti növbəti yeniliyə imza atır.

Sirkət artıq şəkilləri şəbəkəyə düşmüş istehsalçının loqotipi olan "Pepsi Phone” adlı smartfon istehsal edəcək.

Amma hələlik məlum deyil ki, "PepsiCo” həqiqətən də özünü smartfon istehsalında sınamaq niyyətindədir, yoxsa hər hansı Çin şirkəti tanınmış markanın hüquqlarını əldə edərək özünü bu bazarda istifadə edəcək.

 
Məlum olub ki, "Pepsi P1” adlanacaq avadanlıq oktyabrın 20-də Pekində təqdim ediləcək. Bu da o deməkdir ki, bu smartfonların da əsas istehsal bazarı məhz Çin olacaq. 

İlkin məlumatlara görə, smartfonun qiyməti 205 dollar təşkil edəcək. Smarfon 5,5 düym diaqonalı olan FullHD displeyinə, "MediaTek MT6592” platformasına malik olacaq.

Smartfon 2 Gb daxili yaddaş, 16 GB flash-yaddaşa, 3 000 mA/saat akkumulyatora, 13 meqapiksellik kameraya və barmaq izini müəyyən edən skanerə malikdir. Onun əməliyyat sistemi qismində "Android 5.1.” çıxış edir.

Görüntülərə əsasən demək olar ki, smartfonun korpusu metal olacaq.(LENT.AZ)