Ankarada oktyabrın 10-da törədilən bombalı hücum 2003-cü ildən etibarən Türkiyədə reallaşdırılan xain hücumları xatırladıb. Türkiyəni kədərə qərq edən o hücumlardan bəzilərini təqdim edir.
15 noyabr 2003-cü il – Sinaqoq hücumu – İstanbul
Beyoğlu və Şişlidə olan iki ayrı sinaqoqa birgə hücumlar təşkil edilib. Hücumlarda ümumilikdə 27 adam həyatını itirərkən, 300 adam da yaralanmışdı. İki ayrı yerdə intihar hücumu olaraq reallaşan terroru Bingöldə doğulan Mesud Tez və Gökhan Elaltuntaş həyata keçirib.
20 noyabr 2003-cü il HSBC hücumu – İstanbul
Sinaqoqlara yönəlik bombalı hücumlardan beş gün sonra, 2003-cü il noyabrın 20-də yenə bomba yüklü avtomobillərlə iki terror təşkil edilib. Bu dəfə hədəf İstanbuldakı İngiltərə Konsulluğu və HSBC Bankının ümumi mərkəzi olub.
Bu hücum zamanı İngiltərənin Türkiyədəki səfiri Roger Short və teatr sənətçisi Kərəm Qorxmazar da daxil 30 nəfər həyatını itirib, 450-dən çox adam yaralanıb. Bundan əvvəl saat 10:55 radələrində Leventdəki HSBC Bankın ofisi qarşısında da bir partlayış meydana gəlib.
11 may 2013-cü il – Reyhanlı hücumu – Hatay
Reyhanlıda təşkil edilən iki ayrı bombalı terror hücumunda 52 adam ölüb, 146 adam yaralanıb. Bomba yüklü avtomobillərlə təşkil edilən bu hücum Türkiyə Cümhuriyyəti tarixinin ən qanlı terror hərəkəti olaraq qeyd edilir. Hücumla əlaqədar olaraq 32 şübhəli nəzarətə alınıb, bunlardan 20-si həbs olunub.
Hücum 2013-cü il mayın 11-də Reyhanlı mahalında, bələdiyyə binası qarşısında iki bomba yüklü avtomobilin partladılması nəticəsində saat 13:37-də reallaşıb. İkinci partlayış saat 13:40-da PTT binası yaxınında olub. Bomba yüklü avtomobilin partlaması nəticəsində bələdiyyə binası önü və PTT binası ətrafındakı vətəndaşlar ölüb və yaralanıblar.
6 yanvar 2015-ci il – Sultanahmet hücumu – İstanbul
İstanbulda yanvarın 6-da Dolmabahçe sarayına bombalı hücum təşkil edilib. DHKP-nin boynuna götürdüyü hücumda bombalar partlamayıb və təcavüzkar da həbs olunub. Bu hücumun dərhal ardındansa, Sultanahmetdə polis bölməsinə istiqamətli intihar hücumu reallaşıb.
Rus vətəndaşı Deyana Ramazonova ingiliscə "pul qabımı itirdim” deyərək içəri girib və üzərindəki bombanı partlatması nəticəsində 1 polis məmuru şəhid olub.
20 iyul 2015-ci il - Suruc hücumu – Şanlıurfa
Şanlıurfanın Suruç mahalındakı Amara Mədəniyyət Mərkəzi qarşısında intihar hücumu törədilib. Hücumda 32 adam ölüb, 29 adam yaralanıb. İstanbul və Ankaradan Kobaniyə dəstək üçün gedən 300 nəfər gənc hədəf alınıb.
Oktyabrın 10-da Ankarada törədilən iki partlayış zamanı 97 nəfər həlak olub, 120-dən çox adam yaralanıb.
(MUSAVAT)
Xəbərdən istifadə edərkən istinad etmək vacibdir.
