Sumqayıt şəhər İcra Hakimiyyətinin təşəbbüsü və şəhər Gənclər və İdman Baş İdarəsinin təşkilatçılığı ilə Sumqayıt Gənclər Evində "Narkotiksiz Gənclik” devizi altında narkomaniyaya qarşı mübarizəyə həsr olunmuş maarifləndirici xarakterli görüş keçirildi. Tədbirdə şəhər Gənclər və İdman Baş İdarəsinin Gənclərlə iş sektorunun baş məsləhətçisi Ceyhun Hüseynov, Sumqayıt rayonlararası Narkoloji Disponserin həkimi Anar Cəlili və müxtəlif sahələri təmsil edən ictimai-fəal gənclər iştirak etmişlər.

İlk öncə iştirakçılar Baş İdarənin təqdim etdiyi "Narkomaniya bəşəriyyətin bəlasıdır” adlı narkomaniyanın ağır fəsadlarını özündə əks etdirən filmi izləmişlər. Daha sonra tədbiri Baş İdarənin nümayəndəsi C. Hüseynov açaraqnarkomanlığa və narkotik vasitələrin qanunsuz dövriyyəsinə qarşı mübarizə sahəsində dövlətimizin apardığı siyasətdən və şəhərimizdə bu sahədə həyata keçirilən tədbirlərdən danışdı. O bildirdiki, cari ildə Baş İdarə tərəfindən aidiyyətı dövlət qrumları ilə birgə şəhərin 33 orta ümumtəhsil və 8 ali, orta-ixtissas, peşə liseylərində habelə məhəllə və mikrorayonlarında gənclərlə silsilə xarakterli maarifləndirici görüşlər keçirilmiş və təlimlər təşkil olunmuşdur.

Sumqayıt rayonlararası Narkoloji Disponserin həkimi Anar Cəlili çıxışındanarkomaniyanının doğurduğu fəsadlardan, insan orqanizminə zərərindən və ona qarşı aparılan mübarizədən,müalicə profilaktikası istiqamətində görülən işlərdəndanışaraq hər kəsi bəşəriyyətın bu təhlükəli bəlasına qarşı birgə mübarizəyə səslədi.

Çıxış edən digər gənc natiqlər P.Vəliyeva və O.Həsənov hər bir gəncin, ümumilkdə vətandaş cəmiyyətinin narkomaniyaya qarşı mübarizə sahəsində dövlətin apardığı siyasətə dəstəyinin vacib olduğunu bildirərək, gənclərlə belə maarifləndirici görüşlərin mütəmadi olaraq keçirilməsinin zəruriliyini diqqətə çatdırdılar.