"Ötən gecə saat 23:00 radələrindən başlayaraq erməni silahlı qüvvələri Tərtər rayonunun cəbhəyanı ərazilərini ağır artilleriya atəşinə tutub. Artilleriya atəşi fasilələrlə saat 04:00-a qədər davam edib”.
Bu barədə AzVision.az-a Tərtərin icra başçısı Müstəqim Məmmədov məlumat verib.
İcra başçısı bildirib ki, şəhərin mərkəzi daxil olmaqla 11 yaşayış məntəqəsi düşmən tərəfindən ağır artilleriya atəşinə tutulub.
"Düşmən təxribatı nəticəsində Tərtərdə 51 evə ziyan dəyib. Həmçinin atılan mərmilər 2 məktəb, 1 mağazaya ziyan vurub.
Hazırda 18 kənd işıqsız qalıb, elektrik xətləri sıradan çıxarılıb. Düşmən təxribatı nəticəsinə həmçinin Qazyan və Hacıqərvənd kəndlərinin qaz xətləri sıradan çıxıb.Vətəndaşlar arasında yaralananlar yoxdur”.
Hazıda Dövlət Komissyası dəyən zərərlə bağlı araşdırma aparır.
Xəbərdən istifadə edərkən istinad etmək vacibdir.