Dünya Azərbaycanlıları Assambleyasının Prezidenti Rəşad Quliyevin müvafiq əmri ilə Elşən Yəhyayev  DAA  mətbuat xidmətinin rəhbəri  təyin olunub.

Qurumdan verilən məlumat görə, Elşən Yəhyayev hazırda Bakı Slavyan Universitetinin Jurnalistika və Azərbaycan Filologiyası fakültəsinin Jurnalistika ixtisası üzrə 4-cü kursda bakalavr təhsili alır. O, buna qədər uzun müddət müxtəlif mətbuat orqanlarda çalışıb. Eyni zamanda elektron və çap mətbu orqanlarında müxtəlif janrlı məqalələrlə də çıxış edib. O, Moderator.az saytında da jurnalist kimi çalışır. E. Yəhyayev həmçinin Azərbaycan Kempo idman Federasiyasının da mətbuat katibliyi vəzifəsini icra edir.
 
Qeyd edək ki, Dünya Azərbaycanlıları Assambleyası (DAA) adlı qurum dünyanın müxtəlif ölkələrində fəaliyyət göstərən Azərbaycan  təşkilatlarının qatılımı ilə qərarlaşdırılıb. Almaniya Federativ Respublikasının məhkəmə orqanının təsdiqi ilə dünya azərbaycanlılarının ilk beynəlxalq ictimai təşkilatı olan Dünya Azərbaycanlıları Assambleyası (DAA) rəsmən qeydiyyatdan keçib.

Xəbərdən istifadə edərkən istinad etmək vacibdir.