Bakı-Qazax avtomobil yolunda baş vermiş yol qəzasında ölən və yaralananların kimliyi məlum olub.
Xəbərlə.com Report-a istinadən xəbər verir ki, "Opel" markalı avtomobilin qəzaya uğraması nəticəsində 1 yaş 8 aylıq Nuray Cavid qızı Məmmədova ölüb.
Hadisə zamanı həmçinin Gürcüstan Respublikası, Marnueli rayon sakini, Kərimova Aidə Əli qızı (1985-ci il təvəllüdlü), Bakı şəhər, Sabunçu rayonu, Zabrat qəsəbə sakini, Kərimova Dizbəst (1962-ci il təvəllüdlü) və Məmmədov Cavid Hiday oğlu (1977-ci il təvəllüdlü) xəsarət alıblar. Hər üç yaralının vəziyyətinin orta-ağır, daha iki yaralının vəziyyətinin isə normal olduğu bildirilir.
İlkin ehtimallara görə, qəzaya sürücünün sükan arxasında yuxulaması səbəb olub.
Faktla bağlı araşdırma aparılır.
Xəbərlə.com-un Report-un Qərb bürosuna istinadən məlumatına görə, "Opel" markalı avtomobil Bakı şəhərindən Gürcüstan istiqamətinə hərəkətdə olarkən Şəmkir rayonda yerləşən "Tır parkı" deyilən ərazinin yaxınlığında qəzaya uğrayıb.
Hadisə nəticəsində, 1 uşaq ölüb, daha 5 nəfər yaralanıb.
Ölən və yaralananlar bir ailənin üzvüdürlər. İlkin ehtimallara görə, qəzaya sürücünün sükan arxasında yuxulaması səbəb olub.
Faktla bağlı araşdırma aparılır.

Xəbərdən istifadə edərkən istinad etmək vacibdir.