Xəbər verdiyimiz kimi, bu gün Bu
gün Mənzil İnşaatı Dövlət Agentliyinin saytında sosial mənzillər yenidən satışa
çıxarılıb.
Vətəndaşlar
saat 11:00-dan etibarən mənzil seçmək üçün sayta daxil olub. Ancaq qısa müddət ərzində
sayta giriş çox olduğundan yenə də sistem çöküb.
Qeyd edək
ki, analoji hadisə may ayı üçün nəzərdə
tutulmuş bölgü zamanı da baş vermişdi.
MİDA məsələylə bağlı məlumat yayaraq mənzil seçimi prosesinin hazırda dayandırıldığını və bu gün saat 15:00-dan etibarən yenidən aktivləşəcəyini bildirib.
Görəsən
sistemdə yenidən niyə şökmə baş verib?
Azərbaycan
İnternet Forumunun prezidenti Osman
Gündüz deyir ki, sistem çox ciddi testdən keçirilib, təhlükəsizlik tədbirləri
görülüb və ciddi səhvlər olmamalıydı: "İlkin məlumatlar göstərir ki
sistemin proqram təminatında, informasiya sistemində, portalda hansısa
problemlər olmayıb. Problem girişlə bağlı olub. Güman edirəm ki problemlər
sistemə girişin öncədən nizamlanmasına, hücumların qarşısının alınmasına yönəlik
məhdudiyyətlərlə bağlı ola bilər. İfrat təhlükəsizlik tədbirləri
ümumiyyətlə sistemə normal girişləri də əngəlləyib."
Qeyd edək
ki, satışa çıxarılan mənzillər mətbəx mebeli, kombi sistemi, su, qaz və
elektrik sayğacları ilə təmin edilib. Güzəştli şərtlərlə təklif olunan mənzillərin
satış qiyməti İpoteka və Kredit Zəmanət Fondu tərəfindən təyin edilmiş bazar
qiymətindən aşağı müəyyən olunub.
Bir
otaqlıların qiyməti 29 min 925 manatdan, iki otaqlı mənzillərin qiyməti 47 min
282 manatdan, üç otaqlı mənzillərin qiyməti isə 65 min 626 manatdan başlayır. Mənzillərin
satış qiymətinə əlavə dəyər vergisi daxildir.
Xatırladaq ki, "Güzəştli Mənzil” informasiya
sisteminin hazırlanmasına, eləcə də sisteminin
proqram təminatı üçün lisenziyaların və İT xidmətlərinin satın alınması üçün ümumilikdə
760 min manat vəsait ayrılmışdı.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
