Sumqayıt şəhər 9 nömrəli tam orta məktəbdə direktorla müavin arasında qalmaqal yaşanıb.
Belə ki, 9 saylı orta məktəbin direktor müavini Təranə Nəsirova Sumqayıt şəhər prokurorluğuna sözügedən məktəbin direktoru Həqiqət Abdullayeva barəsində şikayət ərizəsi ilə müraciət edib.
Xeberle.com bildirir ki, oxu.az məsələ ilə bağlı məktəb direktoru H.Abdullayeva ilə əlaqə saxlamağa çalışıb. Direktor isə suala cavab vermək istəmədiyini bildirib.
Sumqayıt Şəhər Təhsil şöbəsinin aparıcı məsləhətçisi Oqtay Nuriyev məsələ iə bağlı açıqlama verib. Onun sözlərinə görə, Nazirliyinin göstərişi əsasında məsələnin aydınlaşdırılması istiqamətində komissiya yaradılıb:
"Hazırda Ərazi Maliyyə Hesablaşma Mərkəzi və Təhsil şöbəsi əməkdaşlarının iştirakı ilə komissiya yaradılıb. Yoxlama başladılıb. Yekun nəticələr barədə ictimaiyyətə məlumat veriləcək”.
Xəbərdən istifadə edərkən istinad etmək vacibdir.
