Dövlət Avtomobil
Nəqliyyatı Xidmətinin (DANX) tabeliyində olan 592 nömrəli müntəzəm marşrut xətti üzrə çalışan
sürücülər 15 gündən çoxdur ki, 134 saylı avtobusların təhlükəsi ilə
üzləşirlər.
Bu barədə Xeberle.com-a 592 saylı marşrutun aidiyyatı şəxsi məlumat verib. Şikayətdə
bildirilir ki, 134 saylı marşrut
xəttinin sxemi Fatmayı bağlarından başlamaqla,
Mehdiabad və Rəsulzadə qəsəbələrini keçməklə "Azadlıq prospekti” metrostansiyasında
tamamlanmalıdır: "İndiki halda bu marşrut
öz trayektoriyasından çıxır. Belə ki, Fatmayı bağlarından hərəkətə başlayan 134
saylı avtobuslar, Mehdiabad qəsəbəsindən Binəqədi qəsəbəsinin mərkəzi, Baş
Dövlət Yol Polisi idarəsi və Xırdalan dairəsindən keçir. Bu da uzun illər
Goradil – Fatmayı – Mehdiabad - Binəqədi mərkəz
- Baş Dövlət Yol Polisi idarəsi - Xırdalan dairəsi -Xırdalan şəhəri marşrut xətti üzrə işləyən 592 saylı marşrutun yolunun 95 faizini
təkrarlayır.
Bu təkrarçılığı Görədil –
Fatmayı – Mehdiabad- Binəqədi mərkəz - Baş Dövlət Yol Polisi idarəsi Xırdalan
dairəsi – Bakı beynəlxalq avtovağzalı muqayisə etdikdə görmək mümkündür.
Şikayətdə həmçinin bildirilir ki, bu xətdə avtobusların çoxalması həm
də tıxaclara səbəb olur.
İddia olunur ki, 134 saylı marşrutun sahibi fəaliyyətini qanunsuz davam etdirir. Şikayətdə bu avtobusları idarə edənlərin
əksəriyyətinin ictimayi nəqliyyatı idarə etmələri üçün sürücülük vəsiqəsinin
olmadığı da bildirilir. Bundan
başqa şikayətçi bildirir ki, 134 saylı avtobusun sürücüləri yollarda qaydaları
pozur və 592 saylı avtobusların qarşısına çıxmaqla təhlükələr törədir.
O da
vurğulanır ki, ötən il də analoji hal yaşanıb. Tərəflər arasındakı mubahisə
məhkəmə orqanlarına qədər yüksəlib və nəticədə 592 saylı marşurutun rəhbərinin
üzləşdiyi haqsızlığa hüquqi müstəvidə cavab verilib.134 saylı marşrut xəttinin
sözügedən yolu təkrarlanmamasıyla bağlı faəliyyətinə xitam verilib: "Görünür 134 saylı marşurutun havadarı qanunu özünün
şəxsi nüfuzundan istifadə etməklə zərərsizləşdirməyə cəhd edir. Haqsızlıqla
üzləşən 592 saylı marşurutun rəhbərliyi məsələnin adidiyyatı qurumlar
tərəfindən ədalətli formada çərçivəyə alınmasını istəyir”.
Qarşı tərəfin də mövqeyini işıqlandırmağa hazırıq.
Xəbərdən istifadə edərkən istinad etmək vacibdir.