Xeberle.com xəbər verir ki, Milli Məclisin deputatı Müşfiq Məmmədlinin təşəbbüsü ilə Sumqayıt Şəhər İcra Hakimiyyətinin nümayəndələri, Yeni Azərbaycan Partiyası Sumqayıt şəhər təşkilatının fəalları və könüllülər pandemiya ilə əlaqədar şəhərin H.Z.Tağıyev qəsəbəsi yaxınlığında "Xəzri MK” yaşayış massivində silsilə maarifləndirmə tədbirləri keçiriblər.

Vətəndaşların sağlamlığı hər zaman olduğu kimi dövlətimiz üçün çox önəmlidir. Koronavirus pandemiyasına qarşı mübarizə aparmaq üçün yaradılmış mobil qrupların tərkibində fəaliyyət göstərən gənc könüllülər ictimai nəqliyyatda, müəssisə və təşkilatlarda, sahibkarlara məxsus obyektlərdə sakinlərlə maarifləndirici söhbətlər aparır, Nazirlər Kabineti yanında Operativ Qərargahın tələb və tövsiyələrini vətəndaşların diqqətinə çatdırırlar.

Qeyd edilən yaşayış massivində səyyar həkim briqadaları tərəfindən könüllü peyvənd olunmaq istəyənlərə operativ xidmət göstərilib.